PHO at UNICEF Nagpulong Para sa Pagbabakuna

Ayon sa PGLU, nagpulong ang Provincial Health Office (PHO) at ang United Nations Children’s Fund (UNICEF) noong Hulyo 14, 2026, sa Francisco I. Ortega Convention Center upang ihanda ang mga estratehiya sa pamamahagi ng bakuna para sa pambansang kampanya ngayong Agosto.

Naging pangunahing tagapagsalita sa nasabing pagtitipon si Mr. Angelo Amoroso, isang consultant mula sa UNICEF. Dumalo rin sa aktibidad ang iba’t ibang healthcare leaders, international partners, at mga local government stakeholders.

Layunin ng alyansang ito na tiyaking nakalinya ang mga lokal na programa sa pagbabakuna ng probinsiya sa mga pandaigdigang pamantayan sa pangangalaga ng kalusugan. Upang ang ating mga unang tagapag-alaga at kababayan sa buong La Union ay magkaroon ng dagdag kaalaman ukol sa modernong paggamit ng bakuna.

Kabilang sa mga pangunahing paksang tinalakay at pinagsanayan ng mga kalahok ang mga sumusunod:

• Logistics at deployment strategies para sa maayos na pagpapadala at pamamahagi ng mga bakuna sa mga komunidad.
• Pamamahala ng Adverse Events Following Immunization (AEFI) o ang tamang pagsubaybay at pagtugon sa mga posibleng side effect matapos magpabakuna.
• Enhanced monitoring protocols para sa Vaccine-Preventable Diseases (VPD) Surveillance upang mabilis na matukoy at mapigilan ang pagkalat ng mga sakit na maiiwasan ng bakuna.

Ang inisyatibong ito ay bahagi ng patuloy na pagsisikap ng lalawigan ng La Union upang maitaas ang kalidad ng pampublikong serbisyong pangkalusugan sa lungsod ng San Fernando at sa lahat ng bayan sa probinsiya.

Sa pamamagitan ng mga pinalakas na protocol at ugnayan sa mga pandaigdigang organisasyon, naglalayon ang mga lokal na opisyal na matiyak na ligtas, handa, at protektado ang bawat mamamayan sa darating na pambansang kampanya sa pagbabakuna.

---

SOURCE: PGLU